vahashat-e-dil silaa-e-aabalaapaaii le le - Ahmed Faraz
vahashat-e-dil silaa-e-aabalaapaaii le le
mujh se yaa rab mere lafzon kii kamaaii le le
aql har baar dikhaatii thii jale haath apane
dil ne har baar kahaa aag paraaii le le
main to us subah-e-darakhshaan ko tavangar jaanuun
jo mere shahar se kashkol-e-gadaaii le le
tuu ganii hai magar itanii hain sharaayat merii
ye mohabbat jo hamen raas na aaii le le
apane diivaan ko galiyon me liye phirataa huun
hai koii jo hunar-e-zakhmnumaaii le le
0 comments:
Post a Comment