us bevafaa kaa shahar hai aur ham hain doston - munir niazi
us bevafaa kaa shahar hai aur ham hain doston
ashk-e-ravaan kii nahar hai aur ham hain doston
shaam-e-aalam dhalii to chalii dard kii havaa
raaton kaa pichhalaa pahar hai aur ham hain doston
aankhon men ud rahii hai lutii mahafilon kii dhuul
ibrat bara-e-dahar hai aur ham hain doston
ye ajanabii sii manzilen aur raftagaan kii yaad
tanhaiiyon kaa zahar hai aur ham hain doston
0 comments:
Post a Comment