ulfat kii naii manzil ko chalaa, tuu baanhen daal ke baanhon men - Qateel Shifai
ulfat kii naii manzil ko chalaa, tuu baanhen daal ke baanhon men
dil todane vaale dekh ke chal, ham bhii to pade hain raahon men
kyaa kyaa na jafaayen dil pe sahiin, par tum se koii shikavaa na kiyaa
is jurm ko bhii shaamil kar lo, mere maasuum gunaahon men
jahaan chaandanii raaton men tum ne Khud hamase kiyaa iqaraar-e-vafaa
phir aaj hain ham kyon begaane, terii beraham nigaahon men
ham bhii hain vahiin, tum bhii ho vahii, ye apanii-apanii qismat hai
tum khel rahe ho Khushiyon se, ham duub gaye hain aahon men
0 comments:
Post a Comment