tum ne ye kyaa sitam kiyaa zabt se kaam le liyaa - Shakeel Badayuni
tum ne ye kyaa sitam kiyaa zabt se kaam le liyaa
tark-e-vafaa ke baad bhii meraa salaam le liyaa
rindaa-e-kharaab-e-naush kii be-adabii to dekhiye
niiyat-e-mayakashii na kii haath men jaam le liyaa
sehan-e-chaman men daffaatan aake palat gaii bahaar
ahal-e-junuun ne gaaliban aql se kaam leliyaa
naamaa-e-shauq pad ke vo kho gaye yak-ba-yak "shakeel"
muunh se to kuchh na kah sake dil se payaam le liyaa
0 comments:
Post a Comment