tum chup rahe payaam-e-muhabbat yahii to hai - Hashim Raza
tum chup rahe payaam-e-muhabbat yahii to hai
aankhen jhukiin nazar kii qayaamat yahii to hai
mahafil men log chaunk pade mere naam par
tum muskuraa diye merii qiimat yahii to hai
tum puchhate ho tumane shikaayat bhii kii kabhii
sach puuchhiye to mujahko shikaayat yahii to hai
vaade the beshumaar magar ai mizaaj-e-yaar
ham yaad kyaa dilaayen nazaakat yahii to hai
mere talab kii had hai na tere ataa kii had
mujahko tere karam se nidaamat yahii to hai
0 comments:
Post a Comment