tujhase milane kii sazaa denge tere shahar ke log - Danish Aligarhi

tujhase milane kii sazaa denge tere shahar ke log

ye vafaaon kaa silaa denge tere shahar ke log

kyaa Khabar thii tere milane pe qayaamat hogii

mujhako diivaanaa banaa denge tere shahar ke log

terii nazaron se giraane ke liye jaan-e-hayaa

mujhako mujarim bhii banaa denge tere shahar ke log

kah ke diivaanaa mujhe maar rahe hain patthar

aur kyaa isake sivaa denge tere shahar ke log