sun lii jo khudaa ne vo duaa tum to nahiin ho- Bashir Badr
sun lii jo khudaa ne vo duaa tum to nahiin ho
daravaaze pe dastak kii sadaa tum to nahiin ho
simatii huii sharmaaii huii raat kii raanii
soii huii kaliyon kii hayaa tum to nahiin ho
mahasuus kiyaa tum ko to giilii huii palken
bhiige huye mausam kii adaa tum to nahiin ho
in ajanabii raahon men nahiin koii bhii meraa
kis ne mujhe yuun apanaa kahaa tum to nahiin ho
0 comments:
Post a Comment