shamiim-e-zulf-e-yaar aaye na aaye - Sikander Ali Wajd
shamiim-e-zulf-e-yaar aaye na aaye
mere dil ko qaraar aaye na aaye
abhii aayaa hai hosh yaad-e-jaanaan
na tadapaa, baar-bar aaye na aaye
chiraag-e-zindagaanii bujh rahaa hai
vo jaan-e-intazaar aaye na aaye
kiyaa jo tum ne apane dil se puuchho
hamaaraa aitabaar aaye na aaye
nigaah-e-ahal-e-gulshan kah rahii hai
Khizaan jaaye bahaar aaye na aaye
badhegaa kaaravaan manzil-ba-manzil
gubaar-e-raahguzar aaye na aaye
0 comments:
Post a Comment