saKhtiyaan karataa huun dil par gair se gaafil huun main - Allama Iqbal
saKhtiyaan karataa huun dil par gair se gaafil huun main
haay kyaa achchhii kahii zaalim huun main jaahil huun main
hai merii zillat hii kuchh merii sharaafat kii daliil
jis kii gafalat ko malak rote hain vo gaafil huun main
bazm-e-hastii apanii aaraaish pe tuu naazaan na ho
tuu to ik tasviir hai mahafil kii aur mahafil huun main
dhuundhataa phirataa huun ai "iqbal" apane aap ko
aap hii goyaa musaafir aap hii manzil huun main
0 comments:
Post a Comment