saaman-e-tijaarat meraa imaan nahiin hai - Majid Deobandi
saaman-e-tijaarat meraa imaan nahiin hai
har dar pe jhuke sar ye merii shaan nahiin hai
har lafz ko siine men basaa lo to bane baat
taakon men sajaane ko ye quraan nahiin hai
allaah merii rizq kii barakat na chalii jaaye
do roz se ghar men koii mahamaan nahiin hai
ham ne to banaaye hain samandar men bhii raste
yuun ham ko mitaana koii aasaan nahiin hai
jis ko buzurgon kii rivaayat na rahe yaad
us shakhs kii logon koii pahachaan nahiin hai
0 comments:
Post a Comment