raushan jamaal-e-yaar se hai anjuman tamaam - Hasrat Mohani
raushan jamaal-e-yaar se hai anjuman tamaam
dahakaa huaa hai aatish-e-gul se chaman tamaam
hairat guruur-e-husn se shokhii se iztaraab
dil ne bhii tere siikh liye hain chalan tamaam
allaah re husn-e-yaar kii khuubii ke khud-ba-khud
rangiiniyon men duub gayaa pairahan tamaam
dekho to husn-e-yaar kii jaaduu nigaahiyaan
behosh ik nazar men huii anjuman tamaam
0 comments:
Post a Comment