phuulon kii aarazuu men bade zakhm khaaye hain - Abdul Hameed Adam
phuulon kii aarazuu men bade zakhm khaaye hain
lekin chaman ke khaar bhii ab tak paraaye hain
us par haraam hai gam-e-dauraan kii talkhiyaan
jisake nasiib men terii zulfon ke saaye hain
mahashar men le gaii thii tabiyat kii saadagii
lekin bade khuluus se ham laut aaye hain
aayaa huun yaad baad-e-fanaa unako bhii 'adam'
kyaa jald mere siikh pe imaan laaye hain
0 comments:
Post a Comment