phir koii aayaa dil-e-zaar nahiin koii nahiin - faiz ahmed faiz
phir koii aayaa dil-e-zaar nahiin koii nahiin
raharau hogaa kahiin aur chalaa jaayegaa
dhal chukii raat biKharane lagaa taaron kaa gubaar
ladakhadaane lage aewaanon men Khwaabiidaa chiraag
so gaii rastaa tak tak ke har ek rahaguzaar
ajanabii Khaak ne dhundalaa diye qadamon ke suraag
gul karo shamen badaa do mai-o-miinaa-o-ayaag
apane beKhwaab kiwaadon ko muqaffal kar lo
ab yahaan koii nahiin, koii nahiin aayegaa
0 comments:
Post a Comment