nazar fareb-e-kazaa khaa gaii to kyaa hogaa - Ehsan Danish

nazar fareb-e-kazaa khaa gaii to kyaa hogaa

hayaat maut se takaraa gaii to kyaa hogaa

naii sahar ke bahut log muntazir hain magar

na-ii sahar bhii kajalaa gaii to kyaa hogaa

na rahanumaaon kii majalis men le chalo mujhako

main be-adab huun hansii aa gaii to kyaa hogaa

gam-e-hayaat se beshaq hai khudakushii aasaan

magar jo maut bhii sharmaa gaii to kyaa hogaa

shabaab-e-laalaa-o-gul ko pukaaranevaalon

khizaan-sirisht bahaar aa ga+ii to kya hogaa

ye fikr kar ki is aasuudagii ke dhoke men

terii khudii ko bhii maut aa gaii to kyaa hogaa

khushii chinii hai to gam kaa bhii aitamaad na kar

jo ruuh gam se bhii ukataa gaii to kyaa hogaa