naamaa gayaa koii na koii naamaabar gayaa - Seemab Akbarabadi
naamaa gayaa koii na koii naamaabar gayaa
terii Khabar na aaii zamaanaa guzar gayaa
hansataa huun yuun ki hijr kii raaten guzar gaiin
rotaa huun yuun ki lutf-e-duaa-e-sahar gayaa
ab mujh ko hai qaraar to sab ko qaraar hai
dil kyaa Thahar gayaa ki zamaanaa guzar gayaa
yaa rab nahiin main vaaqif-e-rudaad-e-zindagii
itanaa hii yaad hai ki jiyaa aur mar gayaa
0 comments:
Post a Comment