na shivaale na kalisaa na haram jhuuthe hain- Ayaz Jhanswi

na shivaale na kalisaa na haram jhuuthe hain

bas yahii sach hai ke tum jhuuthe ho ham jhuuthe hain

ham ne dekhaa hii nahiin bolate un ko ab tak

kaun kahataa hai ke patthar ke sanam jhuuthe hain

un se miliye to khushii hotii hai un se milakar

shahar ke duusare logon se jo kam jhuuthe hain

kuchh to hai baat jo tahariiron men taasiir nahiin

jhuuthe fankaar nahiin hain to qalam jhuuthe hain