muunh takaa hii kare hai jis-tis kaa - Meer Taqi Meer
muunh takaa hii kare hai jis-tis kaa
hairatii hai ye aaiinaa kis kaa
shaam se bujhaa bujhaa saa rahataa hai
dil huaa hai chiraag muflis kaa
the bure mugabachon ke tevar lek
shaikh maikhaane se bhalaa khisakaa
faiz-e-abr chashm-e-tar se uthaa
aaj daaman vasii hai is kaa
taab kis ko jo haal-e-'Meer' sune
haal hii aur kuchh hai majalis kaa
0 comments:
Post a Comment