muhabbat ke saagar chhalakane lage hain - Ibrahim Ashk

muhabbat ke saagar chhalakane lage hain

vo dil ban ke dil men dhadakane lage hain

ye kaisii vafaaon kii ritu aa gaii hai

Khayaalon men ek beKhudii chhaa gaii hai

qadam zindagii ke bahakane lage hain

umangon ke phuulon se daaman bharaa hai

meraa Khvaab kaise haqiiqat banaa hai

nigaahon men juganuu jhamakane lage hain

sitaaron se aage hai duniyaa vafaa kii

magar ham ne kii hai tamannaa vafaa kii

jahaan aaj hairat se takane lage hain