'mir' dariyaa hai, sune sher zabaanii us kii - Meer Taqi Meer

'mir' dariyaa hai, sune sher zabaanii us kii

allaah allaah re tabiyat kii ravaanii us kii

minh to bochhaad kaa dekhaa hai barasate tumane

isii andaaz se thii ashk-fishaanii us kii

baat kii tarz ko dekho to koii jaduu thaa

par milii khaak men sab sahar bayaanii us kii

marsi-e-dil ke kaii kah ke diye logon ne

shahar-e-dillii men hai sab paas nishaanii us kii

ab gaye us ke jo afasos nahiin kuchh haasil

haif sad haif ki kuchh qadr na jaanii us kii