mere nasiib ne jab mujh se intaqaam liyaa - Shaz Tamkanat

mere nasiib ne jab mujh se intaqaam liyaa

kahaan kahaan terii yaadon ne haath thaam liyaa

fazaa kii aankh bhar aaii havaa kaa rang udaa

sukuut-e-shaam ne chupake se teraa naam liyaa

vo main nahiin thaa ek harf bhii na kah payaa

vo bebasii thii ke jis ne teraa salaam liyaa

har ek Khushii ne tere gam kii aabaruu rakhalii

har ek Khushii se tere gam ne inteqaam liyaa