masiih-e-vaqt sahii ham ko is se kyaa lenaa - Farig Bukhari

masiih-e-vaqt sahii ham ko is se kyaa lenaa

kabhii mile bhii to dard-e-dil badhaa lenaa

hazaar tark-e-vafaa kaa khayaal ho lekin

jo ruu-ba-ruu huun to badh ke gale lagaa lenaa

kisii ko chot lage apane dil ko khuun karanaa

zamaane bhar ke gamon ko gale lagaa lenaa

khumaar tuute to kaise ke ham ne siikh liyaa

tuu na ho to terii yaad se nashaa lenaa

safiinaa duub bhii jaaye to gam nahiin 'farig'

na bhuul kar kabhii ehasaan-e-naakhudaa lenaa