leke maazii ko jo haal aayaa to dil kaanp gayaa - Nawaz Deobandi
leke maazii ko jo haal aayaa to dil kaanp gayaa
jab kabhii unakaa Khayaal aayaa to dil kaanp gayaa
aisaa todaa thaa muhabbat men kisii ne dil ko
jab kisii shiishe men baal aayaa to dil kaanp gayaa
sar balandii pe to magaruur the ham bhii lekin
chadhate suuraj pe zavaal aayaa to dil kaanp gayaa
badnazar uthane hii vaalii thii kisii kii jaanib
apane betii kaa Khayaal aayaa to dil kaanp gayaa
0 comments:
Post a Comment