kyuun hamen maut ke paigaam diye jaate hain - Shamim Jaipur
kyuun hamen maut ke paigaam diye jaate hain
ye sazaa kam hai ke jiye jaate hain
nashaa donon men hai saaqii mujhe gam de yaa sharaab
mai bhii pii jaatii hai aansuu bhii piye jaate hain
ek tuu hai ke hamaarii nahiin tujh ko parvaa
ek ham hain ke teraa naam liye jaate hain
zindagii apanii kashaakash men guzaratii hai "Shamim"
jii nahiin chaahataa jiine ko jiye jaate hain
0 comments:
Post a Comment