kyaa rukhsat-e-yaar kii ghadii thii - Ahmed Faraz
kyaa rukhsat-e-yaar kii ghadii thii
hansatii huii raat ro padii thii
ham khud hii hue tabaah varnaa
duniyaa ko hamaarii kyaa padii thii
ye zakhm hain un dinon kii yaaden
jab aap se dostii badii thii
jaate to kidhar ko tere vahashii
zanjiir-e-junuun kadii padii thii
gam the ki 'faraz' aandhiyaan thii
dil thaa ki 'faraz' pankhudii thii
0 comments:
Post a Comment