koii din gar zindaganii aur hai - Mirza Ghalib
koii din gar zindaganii aur hai
apane jii men hamane thaanii aur hai
aatish-e-dozakh men ye garmii kahaan
soz-e-gam hai nihaanii aur hai
baarahaa dekhiin hain unakii ranjishen
par kuchh ab ke sargiraanii aur hai
deke khat muunh dekhataa hai naamaabar
kuchh to paigaam-e-zabaanii aur hai
qaataa-e-amaar hai aksar nujuum
vo balaa-e-aasamaanii aur hai
ho chukiin "ghalib" balaayen sab tamaam
ek marg-e-naagahaanii aur hai
0 comments:
Post a Comment