khudaa jaane kahaan hai 'asghar'-e-diivaanaa barason se - Asghar Gondvi
khudaa jaane kahaan hai 'asghar'-e-diivaanaa barason se
ki us ko dhuundhate hain ka'abaa-o-butakhaanaa barason se
tadapanaa hai na jalanaa hai na jalakar khaak honaa hai
ye kyon soii huii hai fitrat-e-paravaanaa barason se
koii aisaa nahiin yaarab ki jo is dard ko samajhe
nahiin maaluum kyon khaamosh hai diivaanaa barason se
hasiinon par na rang aayaa na phuulon men bahaar aaii
nahiin aayaa jo lab par nagmaa-e-mastaanaa barason se
0 comments:
Post a Comment