khizaan ke rang men abhii bahaar baaqii hai - Azra Adil Rashid
khizaan ke rang men abhii bahaar baaqii hai
chiraag-e-sahar hai par intazaar baaqii hai
hamen salaam karo ai havaadis-e-dauraan
tumhaare saath hain phir bhii qaraar baaqii hai
guzar chukaa hai ummiidon kaa qaafilaa kab kaa
raah-e-yaqiin pe ab bhii gubaar baaqii hai
hamen pukaar lo jab chaaho ham milenge vahiin
mile hain khaak men lekin vaqaar baaqii hai
0 comments:
Post a Comment