kaun aayegaa yahaan koii na aayaa hogaa - Kaif Bhopali
kaun aayegaa yahaan koii na aayaa hogaa
meraa daravaazaa havaaon ne hilaayaa hogaa
dil-e-naadaan na dhadak, ai dil-e-naadaan na dhadak
koii khat leke padosii ke ghar aayaa hogaa
gul se lipatii huii titalii ko giraakar dekho
aandhiyon tum ne drakhton ko giraayaa hogaa
'kaif' parades men mat yaad karo apanaa makaan
ab ke baarish men use tod giraayaa hogaa
0 comments:
Post a Comment