kahane kii baat ho to use kah sunaayiye - Altaf Husain Hali

kahane kii baat ho to use kah sunaayiye

jo dil pe ban rahii ho, kyon kar dikhaayiye

duniyaa kii ho havas to dil-o-diin ganvaayiye

yaan khoyiye bahut-saa to kuchh jaa ke paayiye

ye kyaa ki dil hai dair men aur ka'abe men maqaam

ho rahiye bas vahiin ke, jahaan dil lagaayiye

gar jaan kaa zarar hai mohabbat men naaseho

ham jaan hii se baithe hain bezaar jaayiye

aur aitabaar khote hii apanaa rahaa-sahaa

bas aa gayaa yaqiin hamen, qasamen na khaayiye

hotii hujuum-e-gam men hai, kyon zahar kii talaash

'hali' bataayen aap ko, gar kuchh khilaayiye