kahaan vo shoKh, mulaaqaat Khud se bhii na huii - Jigar Moradabadi
kahaan vo shoKh, mulaaqaat Khud se bhii na huii
bas ek baar huii aur phir kabhii na huii
thahar thahar dil-e-betaab pyaar to kar luun
ab is ke baad mulaaqaat phir huii na huii
vo kuchh sahii na sahii phir bhii zaahid-e-naadaan
bade-badon se mohabbat men kaafirii na huii
idhar se bhii hai sivaa kuchh udhar kii majabuurii
ki ham ne aah to kii un se aah bhii na huii
0 comments:
Post a Comment