kabhii jo nikhat-e-zulf-e-nigaar aaii hai - Kausar Niyazi
kabhii jo nikhat-e-zulf-e-nigaar aaii hai
fazaa-e-murdaa-e-dil men bahaar aaii hai
zaruur terii galii se guzar huaa hogaa
ki aaj baad-e-sabaa beqaraar aaii hai
koii dimaag tasavvur bhii jin kaa kar na sake
ye jaan-e-zaar vo lamahen guzaar aaii hai
khudaa gavaah ki un ke firaaq men "kausar"
jo saans aaii hai vo sogavaar aaii hai
0 comments:
Post a Comment