ishq men hamane ye kamaaii kii - Mirza Shauq

ishq men hamane ye kamaaii kii

dil diyaa gam se aashanaaii kii

dekh lo aaj hamako jii bhar ke

koii aataa nahiin hai phir mar ke

go thikaane nahiin hai hosh-o-havaas

itanaa kahane ko hai bulaayaa paas

daur-e-aalaam se naamuraad chale

dil men leke tumhaarii yaad chale

phir ham uthane lage bithaalo tum

phir bigad jaayen ham manaalo tum

hashr tak hogii phir ye baat kahaan

tum kahaan ham kahaan ye raat kahaan

dekh lo aaj hamako jii bhar ke

koii aataa nahiin hai phir mar ke