in aankhon kii mastii ke mastaane hazaaron hain - Shahryar
in aankhon kii mastii ke mastaane hazaaron hain
in aankhon se vaabastaa afasaane hazaaron hain
ik tum hii nahiin tanhaa ulafat men merii rusavaa
is shahar men tum jaise diivaane hazaaron hain
ik sirf ham hii may ko aankhon se pilaate hain
kahane ko to duniyaa men maiKhaane hazaaron hain
is shamm-e-farozaan ko aandhii se daraate ho
is shamm-e-farozaan ke paravaane hazaaron hain
0 comments:
Post a Comment