hujuum-e-gam men mere saath chal sako to chalo
hujuum-e-gam men mere saath chal sako to chalo
qadam qadam pe hai mushkil sambhal sako to chalo
hamaare biich hai rasm-o-rivaaj kii diivaar
tum us ko tod ke aage nikal sako to chalo
ye raah-e-ishq nahiin aag kaa samandar hai
lapakatii mauj men gar tum sambhal sako to chalo
tumhaarii kashti-e-ulfat hai gam ke tuufaan men
merii tarah rukh-e-tuufaan badal sako to chalo
0 comments:
Post a Comment