hastii apanii hubaab kii sii hai - Meer Taqi Meer

hastii apanii hubaab kii sii hai

ye numaaish saraab kii sii hai

naazukii us ke lab kii kyaa kahiye

pankhadii ik gulaab kii sii hai

baar baar us ke dar pe jaataa huun

haalaat ab iztiraab kii sii hai

main jo bolaa kahaa ke ye aawaaz

usii khaaana-kharaab kii sii hai

'Meer' un niim-baaz aankhon men

saarii mastii sharaab kii sii hai