haath meraa ai merii parachhaaiin tuu hii thaam le - Zahoor Nazar
haath meraa ai merii parachhaaiin tuu hii thaam le
ek muddat se mujhe to suujhataa kuchh bhii nahiin
shahar-e-shab men kaun-saa ghar thaa na dii jis par sadaa
niind ke andhe musaafir ko milaa kuchh bhii nahiin
umr bhar umr-e-gurezaan se na merii ban sakii
jo kare karatii rahe main puchhataa kuchh bhii nahiin
vo bhii shaayad ro pade viiraan kaagaz dekh kar
main ne us ko aakhirii khat men likhaa kuchh bhii nahiin
0 comments:
Post a Comment