haan kis ko hai mayassar ye kaam kar guzaranaa - Jigar Moradabadi
haan kis ko hai mayassar ye kaam kar guzaranaa
ik baankpan se jiinaa ik baankpan se maranaa
dariyaa kii zindagii par sadqe hazaar jaane
mujh ko nahiin gavaaraa saahil kii maut maranaa
saahil ke lab se puuchho dariyaa ke dil se puuchho
ik mauj-e-tah-nashiin kaa muddat ke baad ubharanaa
jo ziist ko na samajhe jo maut ko na jaane
jiinaa unhiin kaa jiinaa maranaa unhiin kaa maranaa
0 comments:
Post a Comment