fitanaa phir aaj uthaane ko hai sar lagataa hai - Anand Narain Mullah
fitanaa phir aaj uthaane ko hai sar lagataa hai
khuun hii khuun mujhe rang-e-sahar lagataa hai
maan luun kaise ki main aib saraapaa huun faqat
mere ahabaab kaa ye husn-e-nazar lagataa hai
kal jise phuunkaa thaa ye kah ke ki dushman ka hai ghar
sochataa huun to vo aaj apanaa hii ghar lagataa hai
ehatiyaatan koii dar phod len diivaar men ab
shor badhataa huaa kuchh jaanib-e-dar lagataa hai
ek daravaazaa hai har samt men khulane ke liye
hon na ho ye to mujhe shekh kaa ghar lagataa hai
0 comments:
Post a Comment