'faraz' ab koii saudaa koii junuun bhii nahiin - Ahmed Faraz
'faraz' ab koii saudaa koii junuun bhii nahiin
magar qaraar se din kat rahe hon yuun bhii nahiin
lab-o-dahan bhii milaa guftaguu kaa fan bhii milaa
magar jo dil pe guzaratii hai kah sakuun bhii nahiin
merii zubaan kii luknat se badgumaan na ho
jo tuu kahe to tujhe umr bhar miluun bhii nahiin
'faraz' jaise koii diyaa turbat-e-havaa chaahe hai
tuu paas aaye to mumkin hai main rahuun bhii nahiin
0 comments:
Post a Comment