duniyaa se wafaa karake silaa dhuundh rahe hain - Sudarshan Faakir
duniyaa se wafaa karake silaa dhuundh rahe hain
ham log bhii nadaan hain ye kyaa dhuundh rahe hain
kuchh der Thahar jaaiiye bandaa-e-insaaf
ham apane gunaahon men Khataa dhuundh rahe hain
ye bhii to sazaa hai ki giraftaar-e-wafaa huun
kyuun log mohabbat kii sazaa dhuundh rahe hain
duniyaa kii tamannaa thii kabhii ham ko bhii 'Faakir'
ab zaKhm-e-tamannaa kii davaa dhuundh rahe hain
0 comments:
Post a Comment