dil men ab dard-e-muhabbat ke sivaa kuchh bhii nahiin - Sahir Bhopali
dil men ab dard-e-muhabbat ke sivaa kuchh bhii nahiin
zindagii merii ibaadat ke sivaa kuchh bhii nahiin
main terii barah-gah-e-naaz men kyaa pesh karuun
merii jholii men muhabbat ke sivaa kuchh bhii nahiin
ae Khudaa mujhase naa le mere gunaahon kaa hisaab
mere paas ashq-e-nadaamat ke sivaa kuchh bhii nahiin
vo to miT kar mujh ko mil hii gayii raahat varanaa
zindagii ranj-o-musiibat ke sivaa kuchh bhii nahiin
0 comments:
Post a Comment