dil-e-khuungashtaa-e-jafaa pe kahiin - Majaz
dil-e-khuungashtaa-e-jafaa pe kahiin
ab karam bhii giraan na ho jaaye
tere biimaar kaa khudaa haafiz
nazr-e-chaaraagaraan na ho jaaye
ishq kyaa kyaa n aafaten dhaaye
husn gar maharbaan na ho jaaye
mai ke aage gamon kaa koh-e-giraan
ek pal men dhuaan na ho jaaye
phir 'majaz' in dinon ye khataraa hai
dil halaak-e-butaan na ho jaaye
0 comments:
Post a Comment