dekhanaa qismat ki aap apane pe rashk aa jaaye hai

dekhanaa qismat ki aap apane pe rashk aa jaaye hai

mai.n use dekhuu.N bhalaa kab mujhase dekhaa jaaye hai

haath dho dil se yahii garmii gar a.ndeshe me.n hai

aabgiinaa tu.ndii-e-sahabaa se pighalaa jaaye hai

Gair ko yaarab vo kyo.n kar manaa-e-gustaaKhii kare

gar hayaa bhii usako aatii hai to sharmaa jaaye hai

shauq ko ye lat ke hardam naalaa Khe.nche jaaiiye

dil ki vo haalat ki dam lene se ghabaraa jaaye hai

duur chashm-e-bad terii bazm-e-taraab se vaah vaah

naGmaa ho jaataa hai vaa.N gar naalaa meraa jaaye hai

garche hai tarz-e-taGaaful pardaadaar-e-raaz-e-ishq

par ham aise khoye jaate hai.n ki vo paa jaaye hai

usakii bazmaaraaiiyaa.N sunakar dil-e-ra.njuur yaa.N

misl-e-naqsh-e-muddaa-e-Gair baiThaa jaaye hai

hoke aashiq vo pariiruKh aur naazuk ban gayaa

rang khulataa jaaye hai jitanaa ki u.Dataa jaaye hai

naqsh ko usake musavvir par bhii kyaa kyaa naaz hai

khe.nchataa hai jis qadar utanaa hii khi.nchataa jaaye hai

saayaa meraa mujhase misl-e-duud bhaage hai 'Asad'

paas mujh aatishba-jaa.N ke kis se Thaharaa jaaye hai