charaag apane thakan kii koii safaaii na de - Meraj Faizabadi
charaag apane thakan kii koii safaaii na de
vo tiiragii hai ke ab khvaab tak dhikhaaii na de
bahut sataate hain rishte jo tuut jaate hain
khudaa kisii ko bhii taufiiq-e-aashanaaii na de
main saarii umr andheron men kaat sakataa huun
mere diyon ko magar raushanii paraaii na de
agar yahii terii duniyaa kaa haal hai maalik
to merii qaid bhalii hai mujhe rihaaii na de
duaa ye maangii hai sahame hue mu'arrik ne
ke ab qalam ho khudaa surkh raushnaaii na de
0 comments:
Post a Comment