beqaraarii sii beqaraarii hai - Tabish Dehlvi
beqaraarii sii beqaraarii hai
din bhii bhaarii hai raat bhaarii hai
zindagii kii bisaat par aksar
jiitii baazii bhii ham ne haarii hai
todo dil meraa shauq se todo
chiiz merii nahiin tumhaarii hai
baar-e-hastii uthaa sakaa na koii
ye gam-e-dil jahaan se bhaarii hai
aankh se chhup ke dil men baithe ho
haae kaisii ye pardaa-daarii hai
0 comments:
Post a Comment