bas ik jhijhak hai yahii haal-e-dil sunaane men - Kaifi Azmi
bas ik jhijhak hai yahii haal-e-dil sunaane men
ki teraa zikr bhii aayegaa is fasaane men
baras padii thii jo rukh se naqaab uthaane men
vo chaandanii hai abhii tak mere gariib-khaane men
isii men ishq kii qismat badal bhii sakatii thii
jo vaqt biit gayaa mujh ko aazamaane men
ye kah ke tuut padaa shaakh-e-gul se aakhirii phuul
ab aur der hai kitanii bahaar aane men
0 comments:
Post a Comment