ai mohabbat tere anjaam pe ronaa aayaa - Shakeel Badayuni
ai mohabbat tere anjaam pe ronaa aayaa
jaane kyon aaj tere naam pe ronaa aayaa
yuun to har shaam ummiidon men guzar jaatii thii
aaj kuchh baat hai jo shaam pe ronaa aayaa
kabhii taqdiir kaa maatam kabhii duniyaaa kaa gilaa
manzil-e-ishq men har gaam pe ronaa aayaa
jab huaa zikr zamaane men mohabbat kaa 'shakeel'
mujh ko apane dil-e-naakaam pe ronaa aayaa
0 comments:
Post a Comment