achchhaa jo Khafaa ham se ho tum ai sanam achchhaa - Inshallah Khan Insha

achchhaa jo Khafaa ham se ho tum ai sanam achchhaa

lo ham bhii na bolenge Khudaa kii qasam achchhaa

mashguul kyaa chaahiiye is dil ko kisii taur

le levenge dhuundh aur koii yaar ham achchhaa

garmii ne kuchh aag aur hii siine men lagaa dii

har taur gharaz aap se milanaa hai kam achchhaa

agiyaar se karate ho mere saamane baaten

mujhapar ye lage karane nayaa tum sitam achchhaa

kah kar gae aataa huun koii dam men main tum paas

phir de chale kal kii sii tarah mujhako dam achchhaa

is hastii-e-mauhuum se main tang huun "insha"

vallaah ke us se dam achchhaa