ab naye saal kii mohalat nahiin milane vaalii - Ahmed Faraz
ab naye saal kii mohalat nahiin milane vaalii
aa chuke ab to shab-o-roz azaabon vaale
ab to sab dashnaa-o-khanjar kii zubaan bolate hain
ab kahaan log muhabbat ke nisaabon vaale
zindaa rahane kii tamannaa ho to ho jaate hain
faakhtaaon ke bhii kirdaar uqaabon vaale
na mere zakhm khile hain na teraa rang-e-hinaa
mausam aaye hii nahiin ab ke gulaabon vaale
0 comments:
Post a Comment