ab kii baras bhii vo nahiin aayaa bahaar men - Payam Saeedi

ab kii baras bhii vo nahiin aayaa bahaar men

guzaregaa aur ek baras intazaar men

ye aag ishq kii hai bujhaane se kyaa bujhe

dil tere bas men hai na mere iKhtiyaar men

hai tuute dil men terii mohabbat teraa Khayaal

Khush-rang hai bahaar jo guzarii bahaar men

aansuu nahiin hai aankhon men lekin tere bagair

vo kaanpate huye hain dil-e-beqaraar men